இந்தியாகவர் ஸ்டோரிசெய்திகள்

பஞ்சாபில் விஷச் சாராயம் குடித்து பலியானவர்களின் எண்ணிக்கை 62 ஆக அதிகரிப்பு – தொழிலாளர்கள் பலர் கவலைக்கிடம்

பஞ்சாபில் விஷச் சாராயம் குடித்து பலியானோர் எண்ணிக்கை 62 ஆக உயர்ந்துள்ளது. அதில், டான் டரன் மாவட்டத்தில் மட்டும் 23 பேர் உயிரிழந்துள்ளனர்.

பஞ்சாப் மாநிலத்தில் ஊரடங்கு அமலில் உள்ளதால், பல மாவட்டங்களில் கள்ளச் சாராயம் விற்பனை வெகு ஜோராக நடைபெற்று வருகிறது. இதனை கட்டுப்படுத்த காவல்துறையும், அதிகாரிகளும் நடவடிக்கை எடுப்பதில்லை என பொதுமக்கள் குற்றச்சாட்டுகின்றனர்.

இதனிடையே, கடந்த வியாழக்கிழமை விஷச் சாராயம் குடித்த 5 தொழிலாளர்கள் திடீரென உயிரிழந்ததால், அவர்களது உறவினர் காவல்துறைக்கு தெரியாமல் உடல்களை தகனம் செய்துள்ளனர். இதேபோல் நேற்று டார்ன் தரன், அமிர்தசரஸ் மற்றும் குர்தாஸ்பூர் ஆகிய மூன்று மாவட்டங்களில் விஷம் கலந்த மதுபானத்தை குடித்த 47 பேர் உயிரிழந்தனர்.

பலரின் நிலை இன்னும் கவலைக்கிடமாக இருப்பதால் பலி எண்ணிக்கை உயரும் என அஞ்சப்படுகிறது. கள்ளச் சாராயம் குடித்து இறந்தவர்களில் பெரும்பாலோர் தொழிலாளர்கள் என்பது தெரிய வந்துள்ளது.

விஷம் கலந்த மதுவை அருந்தியதால் மரணங்களுக்கு வழிவகுத்தாக முதற்கட்ட விசாரணையில் தெரிய வந்துள்ளது. இந்த சம்பவம் தொடர்பாக நீதி விசாரணை நடத்த ஜலந்தர் பிரதேச ஆணையாளருக்கு முதல்வர் கேப்டன் அமரீந்தர் சிங் உத்தரவிட்டுள்ளார்

இந்தநிலையில், விஷச் சாராயம் குடித்து பலியானோர் எண்ணிக்கை 62 ஆக உயர்ந்துள்ளது. அதில், டான் டரன் மாவட்டத்தில் மட்டும் 23 பேர் உயிரிழந்ததாக அதிகாரிகள் தெரிவித்தனர். இதுதொடர்பாக 10 பேரை கைது செய்து காவல்துறையினர் விசாரித்து வருகின்றனர்.

Tags

Related Articles

5 Comments

Leave a Reply

Your email address will not be published. Required fields are marked *

Back to top button
Close
Close