பஞ்சாபில் பயங்கரம்: 9 வயது சிறுவனை துண்டு துண்டாக வெட்டி ரத்தம் குடித்த கொடூரம்! 8-ம் வகுப்பு மாணவன் கைது!

237

பஞ்சாபில் பயங்கரம்: 9 வயது சிறுவனை துண்டு துண்டாக வெட்டி ரத்தம் குடித்த கொடூரம்! 8-ம் வகுப்பு மாணவன் கைது!
பஞ்சாப் மாநிலத்தில் 9 வயது சிறுவனை துண்டு துண்டாக வெட்டிக் கொன்று, சதையைத் தின்று ரத்தம் குடித்த 8-ம் வகுப்பு மாணவனை போலீசார் கைது செய்துள்ள சம்பவம் பெரும் பரபரப்பை ஏற்படுத்தியுள்ளது.

பஞ்சாப் மாநிலம், லூதியானாவில் தீபு குமார் (வயது 9) என்ற சிறுவன் கடந்த திங்கட்கிழமை திடீரென்று மாயமானான். மறு நாளே துர்கா ஏரியா என்ற இடத்தில் சிறுவனின் உடல் துண்டு துண்டாக வெட்டப்பட்ட நிலையில் கண்டெடுக்கப்பட்டது. இது தொடர்பாக போலீசார் வழக்குப் பதிவு செய்து விசாரித்து வந்த நிலையில் இந்த கொலையை செய்தது 16 வயதே நிரம்பிய 8-ம் வகுப்பு மாணவன் என்ற திடுக்கிடும் தகவல் வெளியாகியுள்ளது.

ஆய்வு:

தீபு குமார் காணாமல் போன தினத்தன்று அவனது வீட்டருகே உள்ள கண்காணிப்பு கேமராக்களில் பதிவான வீடியோவை போலீசார் ஆய்வு செய்தனர்.
அதில், தீபு குமாரை அந்த 8-ம் வகுப்பு சிறுவன் அழைத்துச் சென்ற காட்சி பதிவாகியிருந்தது. சிறுவனை கைது செய்து விசாரித்ததில் போலீசார் அதிர்ச்சியில் உறைந்தனர். இது குறித்து துணை கமிஷனர் கூறுகையில், கைது செய்யப்பட்ட சிறுவன் தீபு குமாரை அழைத்துச் சென்று மண்வெட்டியால் அடித்து கொன்றுள்ளான்.
பிறகு இறந்த உடலை சிறு துண்டுகளாக வெட்டி சதைகளை தின்று ரத்தத்தை குடித்துள்ளான். இயல்பாகவே அந்த சிறுவன் மாமிசத்தின் மீது ஈடுபாடு கொண்டிருக்கிறான். கோழி உள்ளிட்ட இறைச்சிகளை பச்சையாக சாப்பிடுகிறான்.

கொடூர செயல்:

மனித மாமிசத்தை சாப்பிட ஆசைப்பட்டு இத்தகைய கொடூர செயலில் ஈடுபட்டுள்ளான். சமயத்தில் தன்னுடைய உடல் பாகங்களையே அவன் கடித்து சாப்பிட்டிருக்கிறான். சம்பவம் நடந்த தினத்தன்று சிறுவன் தீபு குமாரை கொலை செய்துவிட்டு எதுவும் தெரியாதது போல் வீட்டிற்கு சென்று தன் தந்தைக்கு உணவு சமைத்துக் கொடுத்திருக்கிறான். தற்போது கொலையாளியை மருத்துவம் மற்றும் மன நல ஆய்வுக்கு உட்படுத்தியுள்ளோம் இவ்வாறு கூறினார்.