2-1 என்ற கணக்கில் தொடரை வென்றது நியூசிலாந்து அணி

119

நியூசிலாந்துக்கு எதிரான கடைசி 20 ஓவர் கிரிக்கெட் போட்டியில் 4 ரன்கள் வித்தியாசத்தில் இந்திய அணி போராடி தோல்வியடைந்தது.

இந்தியா-நியூசிலாந்து அணிகளுக்கு இடையே 3 போட்டிகள் கொண்ட 20 ஓவர் கிரிக்கெட் தொடரில் 1 க்கு 1 என்ற கணக்கில் இரு அணிகளும் சமநிலை வகித்தன. இந்நிலையில் கடைசி மற்றும் 3-வது 20 ஓவர் கிரிக்கெட் போட்டி ஹாமில்டனில் நடைபெற்றது. டாஸ் வென்ற இந்திய அணி பந்து வீச்சு தேர்வு செய்தது. அதன்படி முதலில் களமிறங்கிய நியூசிலாந்து அணி அபார ஆட்டத்தை வெளிப்படுத்தியது. இதனால் நிர்ணயிக்கப்பட்ட 20 ஓவர்களில் 4 விக்கெட்டுகளை மட்டுமே இழந்துள்ள அந்த அணி 212 ரன்கள் குவித்துள்ளது.

213 ரன்கள் எடுத்தால் வெற்றி என்ற இலக்குடன் களமிறங்கிய இந்திய அணி நிதான ஆட்டத்தை வெளிப்படுத்தியது. இறுதியில் நிர்ணயிக்கப்பட்ட 20 ஓவர்களில் 6 விக்கெட்டுகளை பறிகொடுத்த இந்திய அணி 208 ரன்கள் மட்டுமே எடுத்தது. இதனால் வெறும் 4 ரன்கள் வித்தியாசத்தில் போராடி தோல்வியடைந்த இந்திய அணி, 20 ஒவர் கிரிக்கெட் தொடரை கைப்பற்றும் வாய்ப்பை இழந்தது.